Scipione conquista Cartagine
Contra Romanos Hasdrubal et Phamea1 missi sunt. Tunc Scipio, qui Scipionis Africani nepos erat et cuius metus et reverentia apud amicos hostesque erat, in Romanorum militiā tribunus militabat. Itaque per eum multa a consulibus prospere gesta sunt. Neque Hasdrubal neque Phamea proelium committere volebant contra Scipionem, cuius auctoritas multum crevit cum (“quando”) Masinissa, rex Numidarum, quem per multos annos populus Romanus amicum habuit, admodum (“assai”) senex de vita decessit et Scipio, Masinissae voluntate, regnum Numidiae inter regis filios divisit. Clarum igitur Scipionis nomen fuit, ipse consul a senatoribus creatus est et missus est contra Carthaginem, quam cepit ac diruit. Spolia quae in urbe inventa sunt et quae multarum civitatum excidiis Carthaginienses collegerunt, et ornamenta urbium civitatibus Siciliae, Italiae, Africae reddidit, quae sua recognoscebant. Ita Carthago a Romanis deleta est. Scipio nomen, quod avus quoque habebat, meruit: nam propter virtutem etiam ipse “Africanus” vocatus est.
(da Eutropio)