Tarquinio il superbo
Lucius Tarquinius Superbus septimus atque ultimus Romanorum regum fuit. In Volscos impetum fecit et vicit. Postea Gabios civitatem et Suessam Pometiam subegit. Postquam cum Tuscis pacem fecit, templum Iovi in Capitolio aedificavit. Ardeam, autem, civitatem positam in octavo decimo miliario (“posta a diciotto miglia”) ab urbe Romā, oppugnavit, sed ob filium suum imperium perdidit. Nam Tarquinii filius, vim attulit Collatini uxori, nomine Lucretiae. Lucretia ob ignominiam se occidit. Tum Brutus, Collatini amicus, populum Romanum concitavit; itaque rex cum uxore et liberis suis Romā fugit.
(da Eutropio)