Un inganno di Medea
Iason cum Peliae patrui sui iussu tot pericula adisset, cogitare coepit quomodo1 eum sine suspicione interficeret. Hoc Medea se facturam pollicetur. Itaque cum iam longe a Colchis essent, navem iussit in occulto collocari et ipsa ad Peliae filias pro sacerdote Dianae venit; eis pollicetur se patrem earum Pelian ex sene iuvenem facturam, sed id Alcestis filia negavit fieri posse. Medea quo facilius eam perduceret ad suam voluntatem, caliginem eis obiecit et ex venenis multa miracula fecit quae veri similia esse viderentur, arietemque vetulum in aënum (aenus, “caldaia”) coniecit, unde agnus pulcher prosiluisse visus est. Eodemque modo Peliades, Medeae impulsu patrem suum occisum in aëno coxerunt. Cum se deceptas esse viderent, a patria profugerunt. At Iason, signo a Medea accepto, regia est potitus, Acastoque Peliae filio et fratri Peliadum, quod secum ad Colchidem iverat, regnum paternum tradidit; ipse cum Medea Corinthum profectus est.
(Hyg.)